बाजारभाव - sushantsurveblogs.com

श्री सुशांत सुर्वे हे एक डाळिंबशेती मार्गदर्शक आहेत. डाळिंब शेती मार्गदर्शन सोबतच, कृषीविषयक, व्यवसायविषयक ब्लॉग्स ते लिहत असतात. सुशांत सुर्वे यांचे लिखाण खूप प्रॅक्टिकल आणि प्रासंगिक वाटते. खासकरून, अलिकडील दीड-दोन वर्षांतील त्यांचे लिखाण व त्यातील संदर्भ हे ग्राऊंड लेव्हलवर असणाऱ्या संपर्काची साक्ष देतात. ते मुळचे इंजिनिअर असून, कृषी डिप्लोमा केला आहे.

शेतीसंदर्भात एक तर खूप भावनिक किंवा खूप पुस्तकी लिहिण्याची प्रथा आजही सुरू आहे.अशा वेळी सुशांत यांच्यासारखे नवे लेखक शेतकऱ्यांना गरजेचे आहे, तेव्हढे लिहितात. बदलते पाऊसमान, बदलता पीक पॅटर्न, व्यापारी पिकांचे बदलते अर्थकारण, मागणी-पुरवठा-व्यापाराचे बदलते रंग याबाबत सातत्याने सुशांत सुर्वे लिहित आहेत.

मुळ समस्या समजून घेणे आणि संभाव्य सोल्यूशन + प्रतिबंधात्मक उपायावर फोकस ठेवणे हे सुशांत यांना चांगले जमते. एखादे घर अडचणीत आल्यावर कारभारी जसा वाट काढण्याचा प्रयत्न करतो, तशीच लाईन सुशांत यांच्या लिखाणामध्ये दिसते. जी आजच्या एकूणच अडचणीतील शेतकरी समाजासाठी उपयुक्त वाटते.

सुशांत हे व्यवसायाने सल्लागार आहेत. सल्लागारांविषयी लिहिणे अवघड असते. पण, सुशांत यांचा व्यवसाय आणि लिखाण या दोन गोष्टी वेगळ्या वाटल्या. शेतकऱ्यांसाठी जे उपयुक्त आणि अनुभवसिद्ध आहे, अशा जाहिरातवजा नोंदी, तपशील, संदर्भ त्यांच्या लिखाणात दिसतात.

शुभेच्छा.